Наурыз – жыл басы

Білім беру саласы: Қатынас
Кіші сала:Тіл дамыту
Тақырыбы: Наурыз – жыл басы

Мақсаты:Балалардың жыл мезгілдері туралы түсінігін, Наурыз мерекесі туралы білімдерін кеңейту.Халықтық салт – дәстүрді құрметтеуге баулу.
Көрнекілігі:Киіз үй, ұлттық ою – өрнектермен әсемделген сырмақ, сандық, құрақ көрпе, қоржын, торсық, жозы, ұлттық тағамдар, Алтыбақант.б бұйымдар.
Әдіс – тәсілдері: Көрсету, сұрақ – жауап

Жүрісі:
Шаттық шеңбері:
Жарқырап бүгін атты күн,
Шашып бізге шапағын.
Тілеймін сіздерге ақ таңның
Қуанышын, шаттығын.
наурыз сценарий, Наурыз – жыл басы, наурыз тәрбие сағаты, балабақшада

Тәрбиешi: -Балалар, терезеден күн нұрын төгіп тұр екен. Күн көзінен қуат алып, бір – бірімізге ыстық лебіздерімізді арнайық.
Топқа Тазша бала келіп кіреді. Тәрбиешімен, балалармен амандасады.
Тәрбиеші балалардан Тазша бала туралы сұрап, таныстырады.

Тазша: — Балалар, елге көктем келді, Наурыз мерекесі жақындады.Наурыз – жыл басы ретінде тойланады. Қазақ халқы наурызды «Ұлыстың ұлы күні» деп есептейді. Бір – біріне жақсылық тілеп, «Ақ мол болсын», «Ұлыс оң болсын» деп тілек айтады. Наурыз мерекесі туралы сендер не білесіңдер?
Әмір: Наурыз тойы – тамаша,
Наурыз тойы – жаңаша.
Табиғат та тамаша,
Тамылжып тұр жараса.
Назым:Наурыз келді еліме,
Наурыз келді жеріме.
Байлық, бақыт тілеймін
Бүкіл қазақ еліне.

Тазша: — Бәрекелді, балалар! Ал, енді мен сендерді ауладағы киіз үйге шақырамын, менімен бірге жүріңдер.
Тәрбиеші мен балалар Тазшаға ілесіп киіз үйге барады.Есік алдында балабақша қызметекрлері қарсы алып, бәрінің қолдарын алып, құшақтасып көріседі.

«Ұлыс оң болсын», «Ақ мол болсын», «Наурыз мерекесі құтты болсын» т.б. тілектерін айтады.
Тәрбиеші «Көрісу» дәстүрі туралы түсінік береді.Қыстан аман шыққан халық бір – бірімен құшақтасып көрісетін дәстүр ел ішінде әліде сақталған.
Балаларды үстел басына жайғастыру. Наурыз көжеден дәм тату.

Әжейдің әңгімесі: «Наурыз көже».
Наурыз көже Наурыз мерекесінде дайындалатын негізгі тағам.Оған жеті түрлі дәм қосылады. Бидай, ет, тұз, сүт, бұршақ, сары май, құрт немесе айран қосылады.«Жеті» қасиетті сан.

Жұмада жеті шелпек пісіріледі. Жауыннан кейін шығатын кемпірқосақ та жеті түстен тұрады.Аптаның күндері де жеті күн. Осы жеті күнді айтып бере алатын бала бар ма?

Балалардың жауабы: дүйсенбі, сейсенбі, сәрсенбі, бейсенбі, жұма, сенбі және жексенбі.
Айкөркем:Бидай, күріш, тары бар,
Бар сүт пен шұжығы.
Ащы құрты тағы бар,
Көже елдің ырзығы.

Тазша: — Балалар, Наурыз туралы көп біледі екенсіңдер.Наурыз көжеден дәм таттық, енді сырттағы ойын – сауықты көруге шығайық.
Тәрбиеші мен балалар тысқа шығады.
Тәрбиеші: — Наурыз мерекесінің сәні ұлттық ойындар. Сендер қандай ұлттық ойындарды білесіңдер?
Балалар: — «Бәйге», «Алтыбақан», «Арқан тартыс», «Қыз қуу», асық ойындары, «Көкпар» т.б.
Олай болса сендер екі топқа бөліне қойыңдар. «Арқан тартыс» ойынын ойнаймыз.

Қимылды ойын: «Арқан тартыс».

Тәрбиеші: — Мынау біздің күндегі ойнайтын әткеншегімізге ұқсас «Алты бақан» ойыны. Бұны да ойнап көрелік.Бұл ойынның ерекшелігі «Алты бақан» тепкен адам өлең айтып тербеледі.Балалар «Алты бақан» теуіп, «Наурыз думан» әнін орындайды.
Балалардың қасына «Қыдыр ата» келеді. Балалар атаймен амандасады. Атай бата береді.
Бата:
Уа, құдайым, оңдасын,
Еш жамандық болмасын.
Ұлыс оң болсын!
Ақ мол болсын!
Қыдыр баба қолдасын,
Аман сақтап мал басын,
Еккен егін солмасын.
Балалар Тазша, «Қыдыр ата» және басқалармен қоштасып, топқа келеді.
Қорытынды:Іс – әрекет барысындағы көрген – білгендерін әңгімелеп,Наурыз мерекесінің мәні, онда жасалатын жөн – жоралғылар туралы айтып, сұрақ – жауап арқылы қорытындылау.

 

ttt

Бағалау: Балалар өз көңіл күйлеріне сәйкес келетін жапсырмаларды (смайлик) тақтадағы өз ұяшықтарына жапсырады.
Нәтиже:
Білуі:Жыл мезгілдері, көктем туралы түсініктері бар.
Түсінуі:Наурыз мерекесінде орындалатын жөн – жоралғылар туралы түсініктері қалыптасты.
Үйренуі:Наурыз көженің жеті түрлі дәмнен дайындалатынын білді.

Пікірлер15
  1. Риза

    Наурыз- мерекесіне дайын ақпарат екен.Рахмет сізге

  2. Асел

    Наурыз жыл басына тамаша ұйымдастырлған іс-шара деп ойлаймын, шығаршылық табыс тілеймін

  3. Жанар

    Наурыз мерекесіне ізденістер көбейіп кетті бұл сайтқа келіп осындай қажетті мақалаларды алғаныма қуаныштымын жұмыстарыңызға тек табыс тілеймін

  4. Инкар

    Қазірден бастап Наурыз мейрамына дайындалып ,қарап жатырмыз.Көп рахмет,осы сайттан керектінің бәрін табамыз

  5. Жаныл

    Өте керемет. Өзіме керекті деген мәліметті алдым.

  6. Жаныл

    Наурыз мерекесінің қарсаңында жақсы табылған сценарий болды.

  7. Бибігүл

    Наурыз – жыл басы атты керемет тақырыпта менде осындай шара ұйымдастырғалы жатыр едңм өте керемет іздегенім осы сайттан таптым үлкен рахмет. бәрі өз ретімен орындалған мағынасы кең

  8. Бахтыгуль

    Өте жақсы жазылған. Өзіме керекті деген жерін алдым. Рақмет.

  9. Мадина

    cіздің мақаларыңыз маған ұнады

  10. осы макаланы калай алсам болады екен

  11. Бектас

    Ұнады!!

  12. Анелья

    jaksy

  13. Тоты

    cіздердің мақалаларыңыз маған ұнады.

  14. көп рахмет! маған ұнады.

  15. Көп-көп рахмет!

Добавить комментарий


ErKeTai.KZ