Г г дыбысы мен әрпі.

Тақырыбы: Г г дыбысы мен әрпі.

Білім беру саласы: «Қатынас»

Бөлімі: Сауат ашу және жазу негіздері

Мақсаты:

Білімділік: Г дыбысы мен әрпін таныстыру; г әрпі бар сөздерді дұрыс оқыту; сөздерге дыбыстық талдау жасауға үйрету.

Дамытушылық: Балалардың сөйлеу мәнерін, байланыстыра сөйлеу дағдыларын, сөздік қорларын, шығармашылық қабілеттерін, жұмбақ шешу, тіл ұстарту жаттығуы арқылы тіл байлықтарын дамыту.

Тәрбиелік: Әсемдікке, сыпайылыққа, ұқыптылыққа, табиғатты сүюге тәрбиелеу.

Қостілділік компонент: гүл –цветок, білім шыңы – вершина знании, шалғы – коса, шеге – гвоздь, ғаламтор – интернет, хат – письмо, смс – сообщение

Көрнекілігі: Кеспе әріптер, үлестірмелі суреттер, қима қағаздар, ребустар, текшелер, ермексаз, санау таяқшалары, интерактивті  тақта, планшет, флешка, релаксация әуені, көк және қызыл түсті қарындаштар, смайликтер

Әдісі: сөздік, көрнекілік, түсіндіру, сұрақ-жауап, ойын.

 

Сабақ барысы:

І. Ұйымдастыру кезеңі:

«Шаттық шеңбері»

Үлкенге де сіз,

Кішіге де сіз.

Баршаңызды құрметтеп,

Бас иеміз біз.

—         Балалар, қазір жылдың қай мезгілі?(Қазір жылдың мезгілі – көктем»

—         Көктемде табиғатта қандай өзгерістер болады?(қар ериді, жылғалардан су

ағады, бүршік атады, құстар жылы жақтан келе бастайды, күн жылына бастайды)

—         Көктем айларын атаңдар(наурыз, сәуір, мамыр)

—         Қазір қай ай?(сәуір айы)

—         Бүгін аптаның нешінші күні?

—         Балалар, бүгін бізде ұйымдастырылған оқу іс-әрекеті – сауат ашу және жазу

негіздері.

Өткенді қайталау.

а) Сұрақ-жауап:

— Дыбыс деген не?

— Дыбыстар нешеге бөлінеді?

— Әріп деп нені айтамыз?

— Әріптерді не істейміз?

ә) Ойын «Қай дыбыстан басталады?»

Сурет атаулары қандай дыбыстан басталып тұрғанын тауып, тиісті әріпке сызық арқылы қос.

ІІ. Жаңа сабақ

Күтпеген сәт:

—         Балалар, бүгін бізге ғаламтор арқылы Тапқышбектен хат келді(смс

дауысы). Ол бізден көмек сұрап отыр, өзінің бірнеше тапсырмасын орындай алмай отыр. Егер ол тапсырмалардың бәрін дұрыс орындаса, білім шыңына шығады.

—         Ал, ендеше, Тапқышбекке білім шыңына шығуға көмектесеміз бе?

—         Тапсырмаларды орындауға дайынбыз ба?

—         Ал, ендеше ол тапсырмаларын флешкаға лақтырыпты, мен сол флешканы

компьютерге қосайын.

1 – тапсырма. Жұмбақ жасыру

Аналарға сыйлайтын,

Аралар бал жинайтын.

Үзуге адам қимайтын,

Бұл не?(гүл)

—         Қане, балалар, «гүл» деп айтайықшы!

—         Ендеше, біз бүгін «Г» әрпі және дыбысымен танысамыз.

—         Қане, бәріміз дыбыстайықшы: «Г»

—         Балалар, қалай ойлайсыңдар «Г» дыбысы айтылуына қарай қандай

дыбыс?(дауыссыз дыбыс)

—         Неліктен дауыссыз дыбыс?(өкпеден шыққан ауа кедергіге ұшырайды, әндетіп

айта алмаймыз, созылмайды)

—         Ендеше қандай текшемен белгілейміз?(көк текше)

Әріп таңбасымен (жазба, баспа түрі)таныстыру.  Неге ұқсайды?(кран, шалғы, «Ғ» дыбысы)

2 — тапсырма: «Орнын тап» ойыны.

Г дыбысының орнын табу. Сөздің басында, ортасында кездеседі. Сөздерді буынға бөлу.

Гүл, глобус, гүлзар, газет – сөз басында;

Шеге, кереге, дәрігер– сөз ортасында;

3 – тапсырма: «Тіл ұстарту жаттығуы»

гү-гү-гү – қызыл гүл

ге-ге-ге – қисық шеге

гі-гі-гі – жинаймыз егін.

4 — тапсырма: Сергіту сәті: (релаксация «Гүлдер әлеміне саяхат»)

—         «Гүл» сөзіне дыбыстық талдау жасау.

—         Г – дауыссыз, ү – дауысты, л – дауыссыз дыбыс.

5 – тапсырма:«Оқимыз, ойлаймыз!»

Гауһар жеңін түріңді,

Газға балық қуырды.

Гүлзарға су себелеп,

Газетке де үңілді.

6 — тапсырма:

Шығармашылық тапсырма: ермексаздан  «Г»  әрпінің жазба түрі; санау таяқшаларынан «Г» әрпінің баспа түрін жазу.

7 – тапсырма: Ребус

ІІІ. Қорытынды

—         Балалар, Тапқышбектен хат келді. Хатты оқиын.

—         Балалар, сендер Тапқышбетің барлық тапсырмаларын орындадыңдар.

Тапқышбекті білім шыңына жеткіздіңдер. Тапқышбек сендерге алғысын айтуда.

—         Балалар біз бүгін қай дыбыспен таныстық?

—         «Г» дыбысы қандай дыбыс?

—         Неліктен дауыссыз дыбыс?

—         Ендеше қандай текшемен белгілейміз?

—         «Г» дыбысы сөздің қайжерінде кездеседі?

Балаларды мадақтау.

Жақсы жауап берген балаға сары смайлик,орташа жауап берген балаға көк смайлик сыйлау.