Ата-ана (сабақ жоспары)

Сабақтың тақырыбы:  Ата-ана

Сабақтың мақсаты:

а) білімділік – сөздік бірліктерді  меңгеруге жағдай жасау, жаңа сөздерді қолданып,  сөз тіркесін, сөйлем  құру, алған білімдерін синтездеу;

б) дамытушылық – өз бетімен жұмыс істеу дағдыларын, әңгімелеу  арқылы сөйлеу дағдыларын, қызығушылықтарын, зейін қойып тыңдау, ойлау қабілеттерін дамыту; алған білімдерін қолдана білуге, сараптауға дағдыландыру;

в) тәрбиелік -оқушының қазақ тіліне деген   қызығушылығын арттыру, өз

отбасына деген сүйіспеншілігін арттыру, үлкендерді сыйлауға

тәрбиелеу, адамгершілік қасиеттерді қалыптастыру.

Оқыту нәтижесі: жаңа сөздерді дұрыс айтады, жазады,  сөз тіркесін , сөйлем құрғанда қолдана біледі, «жуан» сұрақтарға  жауап бере алады, мәтін құра алады, сөйлем түрлерін біледі; топпен жұмыс істей біледі;  бірін бірі, топты бағалай алады, сараптайды, дәлелдейді.

Сабақтың түрі: дәстүрлі

Сабақтың    типі: жаңа сабақ.

Сабақта қолданылатын әдістер:

топтық жұмыс,түсіндіру әдісі, әңгімелеу, өздігінен білім

алу әдісі, баяндау, мәнерлеп оқу, сөздікпен жұмыс.

 

Сабақтың өту барысы:

І.Ұйымдастыру кезеңі.

Оқылым, тілдесім, айтылым, тыңдалым  әрекеттерін қолданамыз.

Фонетикалық жаттығу:

Әке – асқар тау /неприступная гора/

Ана – бауырындағы бұлақ/ родник у подножья/

Бала – жағасындағы құрақ/камышовый тростник на берегу/

А) Тақтада жазылады, мұғалім бір рет оқиды.

Б) Оқушылар оқиды.

В) Мазмұны бойынша түсінгендерін айтады.

Г) Буынның түрлерін қайталау / тұйық, бітеу,ашық /.

Д) Септіктерді қайталау / әке,ана /.

 

ІІ.Үй тапсырмасын  тексеру.

1. 1-тапсырма. Туыстық атауларды жаттау.
2. Сұрақ-жауап.

 

ІІІ. Білімді жан-жақты тексеру.

Грамматикалық тақырыптарды қайталау, жуан, жіңішке сұрақтар қою арқылы / презентация/.

Қазақ тілінде неше септік бар? Қандай?/жай сұрақ/

«Оқушы» сөзіне ілік септігінің жалғауын жалға. Неге бұл жалғауды жалғадың? “Мектеп” сөзіне барыс септігінің жалғауын жалға. Неге бұл жалғауды жалғадың? /интерпретациялық сұрақ/.

Атау септік пен басқа септіктер арасында   қандай айырмашылық бар? Көмектес септік пен шығыс септік арасында қандай ұқсастық және айырмашылық бар? /бағалау сұрағы/.

 

ІV. Жаңа сабаққа кіріспе.

 Сабақтың тақырыбымен, жүру барысымен таныстыру.

Бүгін   сабақта  ата-аналар  туралы айтамыз. Жаңа тақырыппен танысамыз, сондай – ақ қазақ тілінде сөйлеу біліктілігімізді жетілдіреміз.

 

1. V. Жаңа сабақ. «Бағдаршам» стратегиясын қолданамын (жасыл — тапсырманы орындадым, сары – қосымша уақыт керек, қызыл — көмек қажет).

1.Сөздік сөздермен жұмыс. Сауатты оқу дағдыларын жетілтіру.

тікелей- прямой

үрім-бұтақ – поколение

қартайғанда – когда постареют

қамқорлық – защита

міндетті – обязаны

құқықтық қарым- қатынастары- правовые отношения

өркениет-цивилизация

2. Жұптық жұмыс. Берілген сөздермен А4 беттеріне сөз тіркестерін, сөйлемдерін құрып жазады.
3. Мәтінмен жұмыс:

а)  мәтінді оқу;

б) сұрақтарға жауап беру;

в) синтаксистік талдау; жай сөйлемді, оның түрлерін қайталау.

Дәстүрлі қазақ отбасында ата- ана ерекше құрметтелген/ жай, хабарлы, жақты, толымды/. Олардың тікелей үрім- бұтақтары ата- аналарын қартайғанда қамқорлыққа алуға міндетті болған / жай, хабарлы, жақты, толымды/.

г) берілген сөйлемдерді аудару:

Дәстүрлі қазақ отбасында ата- ана ерекше құрметтелген. Олардың тікелей үрім- бұтақтары ата- аналарын қартайғанда қамқорлыққа алуға міндетті болған .

                       Сұрақ:

                              Осы міндетті барлығы орындай ма?

 

4. Бейнефильм «Қарттар үйінде». Фильм бойынша сұхбаттасу. Оқушылар өз ойларын ортаға салады.

Фильм бойынша сұрақтар:

Фильм  кімдер жайлы?

Бұл қарттар қайда?

Қарттар үйі дегеніміз не?

Бұл адамдар  неге  қарттар үйінде?

Қандай адамдар өз ата-аналарын қарттар үйіне тапсырады?

 

VІ. Жаңа сабақты пысықтау.

Тапсырмалар орындау. Жазылым, оқылым, тілдесім әрекеті.

Топтық жұмыс.

1.5 – тапсырма. Берілген сөздер мен сөз тіркестерін пайдаланып, сөйлем құру.

Тату- тәтті тұру, құрметтеу, көмектесу, жақсы көру.

2. Бұтақтары, отбасында, аналарын-сөз құрамына талдау.
3. «Атаңа не қылсаң, алдыңа сол келер» тақырыбында шағын эссе жазу.

 

VІІІ.Үйге тапсырма.

 «Менің отбасым» әңгімелеу

 

VІІ. Бекіту

Рефлексия «Синквейн»

— Балалар, алдымен біз бүгінгі сабақ бойынша:

Нені білдік?

Нені үйрендік?

Синквейн — ана

1.Зат есім

2.Сын есім -2

3. Етістік -3

4.Сөзден сөйлем құрастыру

5.Ассоциация

                           

VІІІ. Бағалау.

Бағалау критерийі бойынша топ басшылары өз тобындағы оқушыларды  бағалайды.