Баланың ішкі сезімдері

Бала алғаш шыр етіп дүниеге келгенде ненің не екенін ажырата алмайтыны анық. Алайда сәби өте сезімтал болады. Мектеп жасына дейінгі сәбидің сезімдері өсе келе жетіле береді.
Оларда адамгершілік сезімі, ұялу сезімі, қорқыныш сезімдері, ренжу, жанашырлық сезімі байқала бастайды. Оны біз, ересектер қалай аңғарамыз. Олардың жасаған әрбір іс әрекетінен көрініп тұрады. Балабақшадағы сәбилер бір біріне көмек көрсету арқылы адамгершілік сезімдерін білдіреді, ал әр түрлі эмоциялар арқылы ренжу мен қуану сезімдерін аңғарамыз, ал қорқу сезімін, әрине баланың жылауы арқылы білеміз.  Балаларда сондай ақ жанашырлық сезімі қалыптасады. Ол ертегі немесе белгілі мазмұнды әңгіме оқығанда аңғарылады. Балалар жағымды кейіпкерді аяп, жағымсыз кейіпкерге ашуланып отырады. Міне бала сезімдерін баланың өз эмоциясы арқылы білуге болады. Бұл сезімдерді ажырата білу болашақ тәрбиешілерге маңызды міндет!