Есекжем

Есекжем-теріде бөртпе түрінде қатты қышып пайда болатын ауру. Ол денені қалақай шаққан кезде болатын келдіреуікке ұқсайды. Ауру-ағзадағы аллергиялық реакция әсерінен болады. Көп жағдайда күнделікті тұтынатын тағамдардың: жұмыртқа, құлпынай, шоколад, цитрустар, бал, таңқурай немесе дәрілік препараттардың адам ағзасына жақпауынан болады.

Ауру қайталана берсе, онда ішкі мүшелердің ауруына, зат алмасудың бұзылуына және кейбір жұқпалы ауруларға: бадамша бездің созылмалы қабынуына, мұрын, құлақ қуыстарының қабынуына байланысты болады. Есекжем кенеттен өршиді. Көбінесе күлдіреуік бірнеше сағаттан кейін кетіп ешқандай із қалмауы да мүмкін.

Кейде ауру ұзаққа созылып, ауырған адамның дене қызуы көтеріліп, мазасы кетеді. Емді дәрігер белгілейді. Бұл аса қауіпті ауру емес, қазіргі уақытта есекжемге қарсы дәрі—дәрмектер жеткілікті.

Мына жазбаларды да оқуға кеңес береміз:

Тонзиллит ауруының негізгі белгілері себебі мен салдары.

Қызылша ауруы туралы мәліметпен танысыңыз.

Желшешек (ветряная оспа) қандай ауру сипаттамасы.

Қызамық ауруының белгілері мен сипаттамасы.