Бөдененің құйрығы неге қысқа?

Пәні: Ана тілі
Сабақтың тақырыбы: Бөдененің құйрығы неге қысқа?
Сабақтың мақсаты: Сөздерді дұрыс тасымалдауға жаттықтыру. Бөдене жайлы толық түсінік беру.
Сабақтың міндеті:
 Буын жігімен тасымалдауға жаттықтыру
 Оқушылардың таным аясын кеңейтуге мүмкіндік беру
 Оқушыларды адамгершілікке, сүйіспеншілдікке , құстарды қорғауға тәрбиелеу
Көрнекті құралдар: суреттер, ертегіге қажетті суреттер, слайд, мультфильм, үлестірме қағаздар
Сабақтың түрі: жаңа сабақ
Әдіс -тәсілдері: түсіндіру, үйрету, сұрақ-жауап
Күтілетін нәтижелер:
1. Кез-келген сөзді буынға бөліп, тасымалдай алады;
2. Оқыған немесе естіген әңгімелерінің мазмұнын айтып бере алады;
3. Пікірталаста өзін көрсете алады, еркін ой бөлісе алады;
4. Сұрақ қоя біледі, сөзді бөлмей, аяғына дейін тыңдауға үйренеді.
Бағалу:
—
Сабақ барысы:

Ұйымдастыру
Оқушылардың сабаққа қатысуы,оқу-құралдарының дайындығы,сынып тазалығы,оқушылардың партада дұрыс отыруы,сыртқы келбеттеріне назар аудару

— Оқушылардың назарын сабаққа аударамын.
— Балалар құстардың суретін таңдау арқылы топқа бөлінеді. (Әр топта өз құстарының суреті көрсетілген)
— Мыс: Бөдене, қарлығаш, шымшық, сауысқан, көгершін
— Тыныштық сәті, әуен тыңдау (құстардың дыбысы)

Қызығушылығын ояту сатысы

«Менің достарым» деген тақырыпқа сурет салып келу (1-2 бала салған суретінің мағынасын түсіндіреді.
Өткенді пысықтау.
— Тасымал дегеніміз не?
— І-тапсырма. Әр топқа тапсырма беріледі. (сөздерді қалай тасымалдауға болатынын көрсетеді)
— Мыс: балапан, қарлығаш, жемсауыт, шағала, бөдене
Кіріспе әңгіме:

— «Бөдененің құйрығы неге қысқа?» ертегісін әңгімелеп айтып беремін.( таудың макеті тұрады, құстардың макеті болады) солармен көрсете отырып, балалардың қызығушылығын оятамын.
— Мәтін мазмұнын қалай түсінгендері жайлы қысқаша сұрақтар қойылады:
1. Бөдене қандай құс?
2. Қандай тау болыпты?
3. Құстар не үшін талпыныпты?
4. Бөдене не істепті?
5. Бөдененің құйрығы неге қысқа екен?
— Бөдененің балапыны туралы мультфильм көрсетіледі.
— ІІ-тапсырма. Осы мультфильмнен не түсіндік? (әр топ ойланып, бір адам жауап береді)
Мағынаны ажырату сатысы

— ІІІ-тапсырма. Әр топқа пазл беріледі. Пазлды құрастырады да, сол жайында ойланып, топтан бір бала жауап береді.
— 1-топ. Бөденеге сипаттама бер (суреті беріледі)
— 2-топ. Бөдене немен қоректенеді? (құрттар суреті беріледі)
— 3-топ. Бөдененің ұясы туралы айтып бер (ұясының суреті)
— 4-топ. Бөдене қыста қалай қыстайды? (Қыстағы бөдененің көрінісі)
— 5-топ. Бөдененің балапаны қандай болады? (балапанының суреті)
— Тақпақтар:
— 1. Балалық қып қызбайық
Құс ұясын бұзбайық
Құстар біздің досымыз
Құстарда да ана бар
Құстарда да бала бар
—
2. Орманға бара жатқандар,
Аңшылық дәмін татқандар,
Өтінем түгел бәріңнен
Көктегі құсты атпаңдар!

-Сертігу сәті:
Қыран құстай самғаймыз,
Әлемді біз шарлаймыз.
Биік-биік шыңға өрлеп,
Тыныштықты қорғаймыз.

Жаңа тақырып:

— Бір буынды және алғашқы буыны бір дыбыстан тұратын екі буынды сөздерді тасымалдауға болмайды: көл, өзен, емен, шаш, ер

Дәптермен жұмыс

— Сабаққа сиқыршы келеді. Сиқыршы жолда келе жатып, қапшығындағы сөздерді шашып алады.
— Сиқыршы: Балалар маған мына сөздерімді жинауға көмектесесіңдер ме?
— Ол үшін бұл сөздерді тасымалдауға бола ма, болмай ма? Соны айта отырып жинаймыз. Мыс: ақын, іні, жент, әже, өрік, от, сүт, ауа, ата
— Ана тілі дәптері №1 (34бет)
— 1. Мына сөздердің тасымалдау түрін көрсетіп жазамыз (қоңырау, жайын, бауыр)
— 2. Көркем жазу

Ой толғаныс сатысы

ІV-тапсырма. Әр топқа ( Тасымал) деген сөз жазылған қағаз беріледі.
— Тасымал туралы не білетіндерін жазады.

Жазу жолына сыймаған сөз Тасымалданбаған бөлігінен соң дефис қойылады буынға бөлініп тасымалданады

Тасымал

Бір буынды сөз Алғашқы буыны бір
дыбыстан тұратын екі буынды сөз  тасымалданбайды

— Балалар, бүгінгі сабақтан нені үйрендік?
— Бүгінгі сабақ ұнады ма?
— Не сіздерге қызықты болды?
— Сабаққа жақсы қатысқан балалар мадақталады
— Үйге тапсырма: Ертегіні оқу, ереже жаттау, 100

№48 мектеп-лицей
Бастауыш сынып мұғалімі: Мырышпаева Асем Асенгазыевна
Сыныбы: 1 «Е»

Поделиться в WhatsApp