2013 жылдың 16 – 21 қыркүйегі аралығында мемлекеттік тілдің қолданыс аясын кеңейту, Қазақстан халықтарының тілдері мәртебесін көтеру мақсатында Қармақшы ауданы, Т.Ізтілеуов атындағы №29 қазақ орта мектебінде 5 – 11 сыныптар аралығында «Тіл – халық қазынасы, ұлт шежіресі» тақырыбында тілдер апталығы болып өтті.
Тілдер апталығында бірнеше іс – шаралар ұйымдастырылды. 16 қыркүйек күні тілдер апталығының ашылу салтанаты болды. Апталықты қазақ тілі пән бірлестігінің жетекшісі Сәуле Көзбергенова құттықтау сөзімен ашып, апталықтың іс – шара жоспарымен таныстырды. 8 «А» сыныбы «Туған тілім – тірлігімнің айғағы» тақырыбында әдеби — әуезді монтаж қойса, барлық сыныптарда ашық тәрбие сағаттары жүргізілді.
Тілдер апталығының өтілуі барысында 5 – 11 сыныптар арасында қабырға газетінің конкурсы, шығарма жазу конкурсы, мүшәйра, мәнерлеп оқу, сахналық қойылым жарыстары өткізілді. Қабырға газетінің конкурсында 8 «Ә» сыныбы, мәнерлеп оқу жарысында 9 «А» сыныбы, сахналық қойылымда 9 «Ә» сыныбы оқушылары алға шықса, мүшәйрада 8 «А» сынып оқушысы Бұқарбай Бегімнің «Тілім – тірегім» өлеңі Бас жүлдені иеленді.
Ағылшын тілі пәні мұғалімі Қаракөз Садықова дайындаған 8 «Ә» сыныбы қазақ тіліндегі мақал – мәтелдерді ағылшын тіліндегі аудармаларымен айтып оқушылардың қызығушылығын арттырса, орыс тілі пәні мұғалімі Айгүл Жаналиева дайындаған «Игра, игра» ойыны оқушылардың информатика бойынша білімін орыс тілінде тексеруге мүмкіндік жасады.
5 – 7 сынып оқушылар арасында өткізілген «Әдебиет көшбасшысы» танымдық ойынында 7 «б» сынып оқушысы Маратова Гүлнұр жеңімпаз атанса, 8 – 11 сынып оқушылары арасында өткізілген «ХХІ ғасыр көшбасшысы» интеллектуалды білім сайысында 10 «Ә» сынып оқушысы Жайшылық Назерке топ жарса, 8 «А» сынып оқушылары Нұрибекова Жадыра мен Бердіқұлов Бақбергендер ерекше ойынымен көзге түсті.
Тілдер апталығының жабылуы және жеңімпаздарды марапаттау кезеңі 21 қыркүйек күні өткізілді. Жүргізілген жұмыстардың қорытындысы бойынша 8 «Ә» сыныбы Бас жүлде, 8 «А» сыныбы І орын, 9 «Ә» сыныбы ІІ орын, 7 «Б» сыныбы ІІІ орын иеленіп, жеңімпаз сыныптар мен оқушылар мақтау қағаздарымен, алғыс хаттармен марапатталды.
«Халықтың мәңгі ғұмыры – оның тілінде.
Әрбір тіл өз халқы үшін – ұлы», — деп Шыңғыс Айтматов айтқандай, тіл – халқымыздың қазынасы, сан ғасырлар бойы жүріп өткен жолымыздың шежіресі.
Тәуелсіздігіміз тұғырлы болсын десек, туған тілімізді көздің қарашығындай сақтайық, ағайын!
Жақсы істер жалғасын таба береді.
Т.Ізтілеуов атындағы №29 қазақ орта мектебінің мұғалімі
Светлана Мыңжасарова
Өзге тілдің бәрін біл өз тіліңді құрметте дейді. Тіліміздің тұғыры биік болдын! Тіл жойыла халық жойылады.
Тілімізді әрқашан құрметтеп, сыйлап өтейік
Тіл туралы мағлұмат жақсы берілген. Бәрі түсінікті жазылған. Өз тілімізді әрқашан да қадірлеуіміз керек.