Мамандықтар (логопедтің сабақтары)

Сабақтың тақырыбы: «Мамандықтар».
Логопед: Байкеева У.О
Сабақтың мақсаты: Балалардың есту арқылы сөйлеуі мен сөйлеу тілі қимылдарын дамыту. Сөздік қорын молайту.

Сабақтың міндеті:

 

1. Білімділік-мамандық туралы білімдерін нақтылау және шыңдау, тақырып бойынша сөздік қорын белсендіру. Жаңа білім негіздерімен қаруландыру;

 

2. Түзету-дамытушылық – сөйлеу тілі белсенділігі мен диалогты сөйлеу тілін дамыту, дыбыстық талдау-жинақтау дағдылары мен фонематикалық процестерін дамыту. Ауызша байланыстырып сөйлеу тілін дамыту, есту, ойлау, есте сақтау қабілеттері мен тіл кемістіктерін түзеу;

 

3. Тәрбиелік- оқуға деген ынтасын көтеру, мұғалімдердің сөзін тыңдай білуге инабаттылыққа тәрбиелеу.

Құрал – жабдықтар: Проектор, компьютерлік технология, заттық суреттер,дидактикалық материалдар, қуыршақ, доп т.б

 

Сабақтың барысы:

 

І. Ұйымдастыру кезеңі.
– Балалармен сәлемдесіп, назарын сабаққа аударамыз.
– Артикуляциялық және тыныс алу жаттығуларын жүргіземіз.
– Үй тапсырмасын қайталап шығу.

 

ІІ. Негізгі бөлім.
– Бері қараңдаршы не деген бейберекетсіздік. Мұнда біреулер заттарын шашып тастап кетіпті. Оларды атап шығайықшы- мына ара мен балға құрылысшының заттары. Қайшы мен тарақ кімнің заттары болды екен? т.б.с.с
– Бұл заттар әр түрлі маман иелеріне керек.

ІІІ. Тақырыпты хабарлау.
– Бүгінгі біздің сабағымыз өте ерекше болмақ. Біз «Мамандықтар» қаласына саяхатқа барамыз, ол жерде біз көптеген мамандар туралы ақпараттар аламыз.
– Ал біз ол қалаға немен барамыз, әрине автобуспен барамыз.

ІV. Тақырып бойынша жұмыс.
– Балаларға проектормен әр түрлі мамандық иелері туралы суреттер көрсетіледі.

 

1) Жүргізуші мен кондуктор туралы білімдерін бекіту.
– Автобусты кім айдайды? (жүргізуші)
– Автобуста билетті кім жинайды? (Кондуктор)
– Жарайсыңдар. Енді жолға шығайық.
– Кенеттен автобустың дөңгелегі жарылып қалды (ш-ш-ш дыбысын дыбыстаймыз)
– Жүргізушіге жел үрлеп көмектесейік (с-с-с-с дыбысын дыбыстаймыз)
– Жүргізуші дабылын қақты кәне қайталайық (би-би-би-би)

Міне қалаға да келіп жеттік.

 

2) Аспазшы мамандығы туралы білімдерін бекіту.
– Сендер мына тәтті иісті сезіп тұрсыңдарма? Тамақтың иісі шығып тұрған сияқты. Біз кімге қонаққа келдік?
– Аспазшы не істейді?
– Аспазшыға тамақ жасап көмектесейік (Борщ жасаймыз)

 

3) Дәрігер туралы білімін бекіту.
Балалар үстелге жақындайды. Үстелдің үстінде дәрігердің заттары мен қуыршақ жатыр.
– Іш ауырса, бас ауырса
Саған дәрі береді.
Барлық ана, барлық бала
Оны жақсы көреді.
Мен кім туралы айтып отырғанымды білетін шығарсыдар.
– Дәрігер не істейді?
– Ол қай жерде жұмыс істейді?
– Мына қуыршақ ауырып қалыпты, сен оған көмектесші. (Қуыршақты емдейміз ойыны)

СЕРГІТУ СӘТІ

– Біз жүре-жүре шаршадық, бір демалып тынығып алайық.
ША-ША-ША күн қандай тамша
ШЫ-ШЫ-ШЫ айналаңа қарашы
ШУ-ШУ-ШУ жан-жағымда шу
ШЕ-ШЕ-ШЕ отырайық ендеше
4) Сатушы туралы білімдерін бекіту.
Балалар ойыншықтар дүкеніне жақындайды. Дүкенде кітаптар, ойыншықтар, ыдыстар, азық түліктер бар.
– Біз қайда келдік?
– Дүкенде кім жұмыс істейді?
– (рөлдік ойын «Сатушы»)

 

V. Сабақты бекіту.

– Біздің саяхатымыз осымен аяқталды. Біз жол жөнекей кімдермен кездестік естеріңе түсіріңдерші.
– Қазір мен сендермен ойын ойнаймын «Қатемді түзе»
– Мұқият болыңдар!
– Жүргізуші стады—жүргізеді
– Тігінші шаш қырқады——тігеді
– Сатушы тамақ дайындайды——-сатады
– Құрылысшы ұшақы айдайды——үй салады
– Ұшқыш көлік жүргізеді——–ұшақты жүргізеді.

VІ. Қорытынды.
– Ал сендер болашақта кім болғыларың келеді?
– ЖҮРГІЗУШІ, АСПАЗШЫ, ШАШТАРАЗ, МҰҒАЛІМ, ДӘРІГЕР, ҚҰРЫЛЫСШЫ,ӘНШІ,БИШІ бұлардың барлығын бір сөзбен қалай айтамыз?
– Сендерге сабақ ұнады ма?

VІІ. Үйге тапсырма.
– Үйде артикуляциялық жаттығуларды қайталап, өздеріңе ұнаған мамандық туралы әңгіме құрастырып келіңдер.