Үш тілді елімнің ертеңі ерекше

«Қазақ тілін оқыту әрдайым басымдықта бола береді. Ағылшын тілінің қажеттігі – бұл әлемдік бағыт және сондай-ақ, көзге көрініп тұрған қажеттілік. Ал орыс тілін жақсы білу – бұл біздің байлығымыз, одан айырылу өте ойланбағандық болар еді. Егер біз қазақ, орыс, ағылшын тілдерін жетік меңгерсек, бұл біз үшін аса зор артықшылық болар еді». Н.Ә.Назарбаев

Мұғалімдер съезінде сөйлеген елбасымыздың осы сөзінде қазақ елін әлемге әйгілі, алдыңғы қатардағы елдердің қатарына қосуды мақсат тұтып, бүкіл Қазақстан халқына, соның ішінде жастарымызға насихат ретінде айтылғаны белгілі.

Ана тілің – арың бұл,
Ұятың боп тұр бетте.
Өзге тілдің бәрін біл
Өз тіліңді құрметте –
деген сөз бар емес пе қазақта?

Осы сөзден де халымыздың бұрынғы даналарының ойы мен президентіміздің алға қойған мақсаты тұспа-тұс келіп тұр.

Сондықтан, еліміздің әрбір азаматы өз ана тілін біліп қана қоймай басқа да тілдерді меңгерсе, Отанымыздың өркендеуіне қосқан үлкен бір үлесі деп есептеймін. Себебі, дүние жүзіндегі белсенді дамыған елдердің халықаралық қатынастары үшін әлемдік тіл, яғни ағылшын тілін жақсы меңгергенінің арқасында біршама жетістіктерге қол жеткізіп отырғанын көреміз.

Сонымен қатар бұрынғы Кеңес одағы кезінде ортақ тіл болған орыс тілін де айта кетуді жөн санаймын. Олай дейтінім ТМД елдері арасында әлі күнге дейін қолданыста келеді.

Осыған байланысты елімізде үш тілді саясаттың жүріп жатқанына да біршама уақыт болды. Мемлекетіміздің қарқынды дамуы үшін барлық жоғарғы және арнайы мамандандырылған оқу орындары мен мектептерде, лицейлер мен гимназияларда, тіптен балабақшалардағы бүлдіршіндерімізге үш тілді үйретіп, тіл байлығын дамыту қолға алынған.

Өзім балабақшадағы ағылшын тілі пәнінің мұғалімі болған соң бұл атаулы үрдіске оң көзіммен қараймын. Себебі дүниенің түпкір-түпкірнен күн санап емес, минут санап ғылыми және басқа жаңалықтар ашылып жатқан уақытта қазіргі жастарымызға көп тілді меңгеру өте қажет.

Соның бастауын балбақшадан алған дұрыс. Өйткені қазіргі бүлдіршіндеріміздің алғырлығы жоғары. Өзге тілді үйренуге ынталы. Ағылшын тілі сабағын асыға күтетін бүлдіршіндеріміздің саны өте көп. Олар айналасындағы қоршаған ортаға аса қызығушылықпен қарайды. Кейбіреулері тіптен кейбір заттарды іштен біліп туылғандай пайдаланады.

Өзім қызмет етіп жүрген «Рахат» балабақшасындағы балалар ағылшын тіліндегі жаңа сөздерді жаттау арқылы өзара кішігірім диалог құрай біледі. Құрылған диалогты қазақ, орыс тілдеріне аударуға талпынып отырады. Сондай-ақ өлең жолдарын тәтті үндерімен дауыстап айтқанды жақсы көреді.

Сабақта балалар сергіту сәттеріне дейін қолданылатын сөздерді қазақ, орыс тілдерінде естіп, одан сайын жаңа дүниелерді көріп, білгісі келеді. Мысалы: Ағылшын тілінде: I fly, fly,fly, by plane to sky…..Орыс тілнде: Я летаю, летаю, на самолете в небеса….. Қазақ тілінде: Мен ұшамын, ұшамын, ұшақпенен аспанға…. . Осы үш тілді үйренуде балалардың өздеріне деген сенімділігі, жауапкершілігі арта түседі. Бірақ, ата-аналардың бір қатары қосымша тілді қиынсынады.

Қиын ештеңесі жоқ.«Ұядан не көрсең? Ұшқанда соны ілесің» демеуші ме еді. Балаға сәби күннен жаманнан тиып, жақсысынан, пайдалысынан аса ауыртпалық салмай үйретсе, қабылдайды.
Олардың шет тілінің пайдасын білмесе де зор ынтамен үйреніп жатқандарын көрсеңіздер, алдарынан жарқын болашақ күтіп тұрғаннын байқайсыздар.

Авторы: Аманқосова Зайра Баянқұлқызы