Сабақ тақырыбы: «Қысқы орман»
Мақсаты: Балалардың өнерге деген қызығушылықтарын, музыкалық қабілеттерін , шығармашылық, әншілік дауыс ырғағын, музыканың ерекшелігіне, ритмикалық екпініне сәйкес қозғалу- қимылдарын дамыту.
Қолданатын материалдар: ақшақарлар, аңдардың іздері, шыршалар, аққала, аңдар: қасқыр,түлкі, қоян, тиін т.б.
Сабақтың барысы:
1-Ұйымдастыру:
а) балалардың әуенмен кіруі, сәлемдесу, айналаға назарларын аудару.
ә) Аққала туралы жұмбақ.
б) Әуенді би қозғалыс: көңілді аққаламен бірге
2-Әуен тыңдау:
а) «Қыс», талдау, мазмұнын түсіндіру.
ә) «Ақшақарлар» биі (қимыл-қозғалыспен көрсету)
3- Вокал: а) Тыныс алу жаттығулары
ә) Дауыс жаттығулары
б) Ән үйрену: «Қыс қызығы»(Б. Ғизатов)
в) жаттығулар: (қол , аяқ, бет,құлақтар)
Ұйымдастыру кезеңі:
Мұғалім: Сәлеметсіңдерме, балалар!
Балалар: Сәлеметсіздер ме?
Мұғалім: Балалар, қараңдаршы айнала қандай керемет! Біз қай жерге тап болдық? Мына жер неге ұқсайды? Әуен де ерекше…
-Балалар: Орманға!
Мұғалім Ия! Дұрыс айтасыңдар! Балалар, қазір жылдың қай мезгілі?
-Балалар: Қыс!
Мұғалім: Ендеше айналаға көз салайықшы, сендер не көріп тұрсыңдар?
-Балалардың жауабы.
Мұғалім:
Қар жауғанда топ бала,
Соқты келіп аққардан.
Мұрны сәбіз, үп үшкір,
Көзі көмір, қап қара.
Шелек, қалпақ басында,
Сәбіз екен танауы.
Тауып көрші сен оны?
Балалар: АҚҚАЛА!
Мұғалім: Жарайсыңдар! Біздің бүгінгі Аққала досымыз өте көңілді екен! Ендеше бәріміз бірге «Көңілді Аққала» биін билейік!
Әуенді қимыл қозғалыс: би «Көңілді Аққала» (биден соң балалар отырады)
Мұғалім: Көп рахмет балалар, сендер жақсы биледіңдер! Балалар, айтыңдаршы, осы қыс мезгілі сендерге қандай ерекшеліктерімен ұнайды?
Балалар: Шана , коньки, шаңғы тебеміз, аққала жасаймыз!
Мұғалім: Дұрыс айтасыңдар? Ал енді, мына әуенді мұқият көңіл қойып тыңдайықшы?
Әуен тыңдау: «Қыс қызығы»
Мұғалім: Балалар, қалай ойлайсыңдар, әуен не туралы? Жылдың қай мезгіліне арналады?
Балалардың жауабы.
Мұғалім: Қане әуенмен ақшақардың жерге келіп түскенін қимылмен жасайықшы?
Әуенмен «Ақшақарлар» биін билейміз.
Тыныс алу жаттығулары.
Мұғалім: Балалар, қысқы орманның ауасы қандай таза, керемет!
а) Кәне, терең дем алайықшы! Енді демді сыртқа шығарайық!(3-4-рет жасалынады) Тыныс алу жаттығуларын жасадық, енді дауысымызға жаттығу жасайық!
ә) Ку- ку-ку , ду-ду-ду, ля-ля-ля- (терция, жарты тонмен)
б) Сырғанаймыз жоғары, сырғанаймыз төмен
в) Ән үйрену:
«Қыс» (Б. Ғизатов), орындау, мазмұнан қысқаша түсіндіру, 1-шумағын, фразамен үйрету.
Жаттығу: Ой балалар қысқы орман суық сияқты ғой? Қане қолымызды, денемізді, аяқтарымызды, құлағымызды, бетімізді, мұрнымызды жылытайық!
Мұғалім: Тамаша көңіліміз көтеріліп қалдық
Музыкалық, дидактикалық ойын:
«Әуенді тап»
Шарты: — Дорбадан бала аңды таңдап алады, атайды, түрін айтады, әуенмен қимылын көрсетеді, балалар бірге қосылады, (ойынға бірнеше бала шығады) қасқыр, түлкі, қоян, арыстан, тиін т. б.
Мұғалім: Балалар сендерге ойын ұнады ма?
Балалардың жауабы.
Мұғалім: Кәне, муз-дидактикалық ойын: «Серуенге шығамыз»
Шарты: Марш ойналады: балалар жұптасып жүріп келеді, кенеттен крещендо – музыкалық тілмен айтқанда,балалар біріне бірі томсырайып ренжиді, күннің шыққан әуені – балалар жұбымен құшақтасып, татуласады, «Полька» ойналады: балалар билейді.
Мұғалім: Көп рахмет! Балалар,біз орманға серуенімізді аяқтайық, шеңберге тұрайық. Енді мына әуенді тауып көріңдерші?
Ән: «Ормандағы достар»
Балалардың жауабы.
Мұғалім; Ендеше осы әнді жақсылап әншілердей, әдемі дауыспен, көңілді орындайық.
Ән: «Ормандағы достар»әнін тағы бір рет қайталап,сабақты аяқтау.
