«Қолғап» ертегісі (балабақшада)

Тақырыбы: «Қолғап» ертегісі.

Білімділігі: Балаларды ертегінің айқын образын көрсете білуге,ертегі туралы түсініктерін бекіте отырып, сөйлеу мәдениетін,

еркін сөйлеп өз ойларын дұрыс жеткізу арқылы ауыз әдебиетіне деген қызығушылықтарын арттыру.

Дамытушылығы: Ертегіні сахналау арқылы балалардың тіл байлығын, ой қиялын дамыта отырып, рөлге кіре білуге үйрету.

Тәрбиелігі:  Әр кейіпкердің қимылын әуен арқылы жасай білуге тәрбиелеу.

«Қолғап» ертегісі. балабақшадаҰйымдастыру кезеңі: Балалар біздің бүгінгі болатын оқу іс-әрекетімізге сендер қалай қатысатындарыңды, қандай болып өскендеріңді көруге қонаққа апайлар келіп отыр.

Балалар шеңбер құрады.

Қуан шаттан алақай,

Қуанатын күн келді.

Қуанатын күн бүгін,

Сәлеметсіздер ме апайлар!

Тәрбиеші: Балалар бізге келіп отырған қонақ апайлар бізге қорап ала келіпті. Бұл қорап жәй қорап емес-сиқырлы қорап. Қараңдаршы қандай әдемі қорап. Қораптың ішінде не бар екен? Балалар сиқырлы қорап ашылмайды. Мүмкін ішінде ертегі

бар шығар. Ертегі жұмбақтарға тығылып қалыпты. Қане, енді жұмбақтарды шешіп көрейік. Егер жұмбақтардың шешулерін

дұрыс тапсақ ертегі бізге келеді.

ЖҰМБАҚТАР:

  1. Қыс бойына жатады,

Тәтті ұйқыға батады. /Аю/

  1. Қалқиған ұзын құлағы,

Елеңдеп қорқып тұрады. /Қоян/

  1. Өзі бір қу,

Жүрген жері  шу./Түлкі/

  1. Күші десең, күші бар,

Тісі десең, тісі бар. /Қасқыр/

  1. Таңдайлары тақылдап,

Шулайтын кім шалшықта

Бірін-бірі мақұлдап./Бақа/

  1. Жер қопарған тісімен,

Сескенесің түсінен. /Қабан/

  1. Үй-ішін аралап,

Түнде көп жортады.

Қаптарды жыртады,

Мысықтан қорқады. /Тышқан/

Жарайсыңдар, балалар барлық жұмбақтардың шешулерін дұрыс таптыңдар. Міне сиқырлы қорап бізге қаншама әдемі суреттер сыйлайды. Балалар мына суреттерден не көріп отырсыңдар?

Балалар: Тышқан, бақа, қоян, түлкі, қабан, қасқыр, аю. Балалар бұлар қай ертегінің кейіпкерлері?

Тәрбиеші: Дұрыс айтасыңдар. Ертегіні балалар жақсы көреді. Ертегіні балалар қонаққа шақырды. Ертегі бізге қонаққа

келді. Біздің бүгінгі ертегіміз қалай аталады?

Балалар: «Қолғап»

Тәрбиеші: Дұрыс айтасыңдар. Ал, балалар біздің бүгінгі «Қолғап» ертегіміздің кейіпкерлері сендер боласыңдар. Ерте,ерте,ертеде орманда жәндік, жануар, аңдар өмір сүріпті. Олар тышқан, бақа, қоян, түлкі, қабан, қасқыр, аю.

 

Тышқан:

Өзім егін екпеймін,

Егістен ұзап кетпеймін.

Мысық қуса жетпеймін,

Мен қап тесер тышқанмын.

Бақа:

Мен бақамын, бақ-бақ,

Басым менің жалпақ.

Су түбінде көп жүріп,

Басым содан жалпақ.

Қоян:

Мен ақ қоян, ақ қоян,

Қалқиған ұзын құлағым.

Құлағымды жел үніне,

Тігіп жатар сақ қоян.

Түлкі:

Ананы да алдаған,

Мынаны да алдаған.

Жүрген жері шу,

Мен түлкімін қу.

Қабан:

Шалшық суда,

Балшық суда жүретін.

Мен сояу тісті қабанмын.       

Қасқыр:

Мен қасқырмын, қасқырмын,

Қозы ұрлайтын өрістен.

Ұйқым келмейді егерде,

Қозы етін жемесем.

Аю:

Кезген ішін орманның,

Мен аюмын қорбаңмын.

Қалың нудан бал таңдап,

балабақша циклограммасы

Жүремін мен балпаңдап.

Тәрбиеші: Болады екен орманда неше түрлі ғажайыптар.

Бір күні шал итімен келе жатып, орманда қолғабын жоғалтып алыпты. Қолғап жаңа, жылы, жұмсақ болыпты. Қолғапты көріп қалған тышқан қолғапқа жүгіріп келеді.

Тышқан: Мен суықта тоңып жүрсем. Қандай әдемі, жаңа, жылы қолғап. Мен енді осында тұрамын.

Шыршалардың арасынан бақа шығады.

Бақа: Қолғапта кім тұрады?

Тышқан: Қап тесер тышқан тұрады.

Ал сен кімсің?

Бақа: Мен секек бақамын. Қолғапқа мені де кіргізші.

Тышқан: Мұнда орын жетеді.

Шыршалардың арасынан қоян шығады.

Қоян: Қолғапта кім тұрады?

Тышқан: Қаптесер тышқан тұрады.

Бақа: Секек бақа тұрады. Ал сен кімсің?

Қоян: Мен зымырауық қоянмын. Мен де қолғапқа кіргізіңдерші. Мен суықта тоңдым.

Бақа: Бізде орын жетеді. Кір қоян.

Қолғапқа түлкі бикеш келеді.

Түлкі: Қолғапта кім тұрады?

Тышқан: Қаптесер тышқан тұрады.

Бақа: Секек бақа тұрады.

Қоян: Зымырауық қоян тұрады. Ал сен кімсің?

Түлкі: Мен түлкі бикешпін. Менде қолғапқа кіргізіңдерші. Мен суықта әбден  тоңдым. Маған көмектесіңіздерші.

Қоян. Мұнда орын жетеді. Қолғап жылы, жаңа, жұмсақ кел кір түлкі.

Шыршалардың арасынан қасқыр шығады.

Қолғапта кім тұрады?

Тышқан: Қаптесер тышқан тұрады.

Бақа: Секек бақа тұрады.

Қоян: Зымырауық қоян тұрады.

     Түлкі:  Түлкі бикеш тұрады.

Ал сен кімсің?

     Қасқыр: Мен қасқырмын. Мені де кіргізіңдерші. Бізде орын жетеді. Кел, кір қасқыр.

Қолғапқа қабан келеді.

Қолғапта кім тұрады?

Тышқан: Қаптесер тышқан тұрады.

Бақа: Секек бақа тұрады.

Қоян: Зымырауық қоян тұрады.

     Түлкі:  Түлкі бикеш тұрады.

     Қасқыр: Қасқыр тұрады.

Ал сен кімсің?

     Қабан: мен сояу тісті қабанмын. Мені де қолғапқа кіргізіңдерші.

Қабан қолғапқа кіреді.

Шыршалардың арасынан аю шығады.

     Аю: Қолғапта кім тұрады?

Тышқан: Қаптесер тышқан тұрады.

Бақа: Секек бақа тұрады.

Қоян: Зымырауық қоян тұрады.

     Түлкі:  Түлкі бикеш тұрады.

Қасқыр: Қасқыр тұрады.

Қабан:  Сояу тісті қабан тұрады.

Ал сен кімсің?

Мен аю аталарыңмын. Мені де кіргізіңдерші.

Тышқан: Жоқ!

 Бақа: мұнда орын жоқ!

     Қоян: сен дәусің қалай кіресің?

     Аю: Қолғапқа кіреді.

Тәрбиеші: Жоғалған қолғабын шал есіне алып: итіне артқа қайт, жоғалған   қолғапты тап деп бұйырады.

Ит әуп-әуп-әуп.

Ей сендер құстарсыңдар ма, әлде аңдар?

Қолғаптан тез шығыңдар.

Шал мылтықпен келеді.

Қолғапты алып кетеді.

Сендердің  қолғап үйлеріңді  шал алып кетті. Әрине, бұл жан ашырлық жағдай.

Қыс, күн суық сендер тоңатын болдыңдар. Сендерге баспана керек қой. Ендеше  қазір біз өз еңбегімізбен өзімізге

үй-баспана құрастырайық.

Балалар Монтессори әдісімен өздері ойнаған кейіпкерлерді баулау арқылы өздеріне қолғап үй құрастырады.

Балалар, міне сендер өз еңбектеріңмен өздеріңе қолғап үй құрастырдыңдар.Енді біздің үйіміз бар.

Бағасын беріңіз
( 2 оценки, среднее 3 из 5 )
Пікірлер28
  1. Гулмира

    «Қолғап» ертегінің құрылымы жақсы, өте әсерлі, әрі жеңіл, ертегі арқылы балалардың тілін дамытуға, бір-бірімен қарым-қатынасқа үйрете отырып, ойын жеткізуге өте тиімді. Қиялдарын дамытуға, байланыстырып сөйлеуге, ой ұшқырлығы дамиды. Ертегі кейіпкерлері арқылы, жақсы қасиеттерге ие болады. Қарапайымдылық, мейірімділік, достыққа тәрбиелеуге септігін тигізеді.

  2. ЖАДЫРА

    өте керемет жасалған

  3. Жаныл

    Ертегі балалардың қиялын дамтыуға, армандауға, жақсы мен жамандықты ажырата білуге көмектеседі. Балаларға оқып беремін.

  4. Бахыт

    ерттегі жақсы құрылған,ертегі балалардың қияын дамытады.

  5. Арай

    Сәлеметсізбе! Мақала маған қатты ұнады. Балаларыма оқып бердім. Жұмыстарыңызға сәттілік

  6. Актоты

    Жалпы ертегі баланың қиялын дамытады. Бұл «Қолғап» ертегісінде балаларды достыққа , бірлікке, ауыз біршілікке тәрбиелейді. бұл ертегіні саусақ қуыршақтары арқылы балалар өздері рөлге бөліп ойнаса өте қызық болады.

  7. Асель

    «Қолғап» деген ертегіні алғаш оқуым. Ертегі жақсы өткен сияқты. Балаларға ертегіні сурет бойынша айта отырып көптеген жетістіктерге жетуге болады деп ойлаймын, яғни сөздік қорлары артады, тілдің грамматикалық құрылымы қалыптасады, есте сақтау, ойлау, танымдық қабілеттері дамиды, тб. Бірақ ертегіде ШАЛ деп емес сыпайы түрде ата немесе басқалай деп алған дұрыс сияқты. Шығармашылық ізденіс тілеймін.

  8. Аиша

    Халық ауыз әдебиетінің бізге, жас ұрпаққа қалдырған мол мұраларының бірі — ертегілер. Ертегілер өтірік пен шындықты жанастырып, болмағанды болғандай етіп,ауызекі тілмен айтыла беретін болған. бірақ бұл өтірік айту деген емес. Ертегіні айту да үлкен шеберлікті қажет етеді. ертегіні айтпас бұрын, балалардың жас ерекшеліктерін ескере отырып, соған сай ертегіні таңдау, ұйымдастыру, ондағы кейіпкерлердің рөлін сомдай білу, қарапайым ертегіні айту кезінде де педагогтың шеберліктері басым болу керек деп ойлаймын. Ертегіні тыңдап өскен баланың ойы ұшқыр, тыпқыр әрі тіл байлығы дами түседі. Жалпы осы ертегі балабақшада сахналатып та, айтылып та жүрген ертегілердің бірі. Дегенмен де бұл ертегіні ұйымдастыру жағы маған ұнады. Рахмет

  9. айғаным

    Ертегіні қалай көшіруге болады?

    1. Erketai (автор)

      Сайтқа тіркелу арқылы.

  10. майра

    Ертегі өте жақсы құрылған

  11. Бекжан

    ертегіні қалай копировать етуге болады?

  12. Гульзада

    Ертегі өте жақсы құрылған. Мен де балабақшада балалармен осы ертегіні өткізгім келеді. Қалай көшіріп алуға болады? Рахмет!!!

    1. Erketai (автор)

      Сайтқа тіркеліп, тіркелгендегі мәлметтерді жазып сайтқа кіріңіз сол кезде қалаған мәлметтерді көшіре аласыз.

  13. aisulu1963

    ҰІӘ өте жоғары деңгейде өткен шығар

  14. Гульзада

    Маған ертегі өте ұнады

  15. Гульзада

    Маған ертегі ұнады

  16. Aisulu Agulova

    Сәлеметсіңдер ме! қолғап үйді балалар қалай жасайды соны түсіндіріңдерші.

  17. Amir

    Тағы осындай «Дәрумендер денсаулық кепілі» деген ашық оқу іс-әрекетін де жібергенбіз.

  18. Amir

    Бұл «Қолғап»ертегісін Алматы облысы, Алакөл ауданы, Үшарал қаласындағы №1 «Арай» балабақшасы, «Аққу» тобының тәрбиеленушілері аудандық семинарда көрсеткен. Топ тәрбиешісі Станбекова Майра Шақарбайқызы

  19. Мадина

    керемет

  20. Мадина

    жақсы құралған

  21. Асел Дуйсенбаева

    мына мақаланы қалай басып алсам болады?

  22. Айша

    Ертегі өте тартымды тамаша екен. Ертегінің авторы кім?

    1. Erketai (автор)

      Мақаланы сайтқа жібергенде авторы атын жазбаған.

  23. Назерке

    маған өте ұнады

  24. Maken go

    ну ну

  25. аман

    ертегі жақсы екен

Добавить комментарий

ErKeTai.KZ