Су перісінің бар екеніне сеңесін бе?

Су перісі — адам мен балықтың бейнесін біріктіретін, ертегі мен мифологияда жиі кездесетін бейнелердің бірі. Ол — төменгі жағы балық, ал үстіңгі жағы әйел адамға ұқсас, көбінесе әдемі, тылсым жаратылыс иесі ретінде сипатталады. Адамзат тарихында әртүрлі халықтардың мифтерінде су перілері туралы аңыз-әңгімелер көптеп кездеседі. Бірақ су перілерінің шын өмірде бар екеніне сену ғылыми тұрғыда мүмкін бе?

Көптеген адамдар су перілері туралы ертегілер мен фильмдерден естіген. «Русалочка» сынды балалар ертегілері мен Голливуд фильмдері бұл бейнені тартымды әрі сиқырлы етіп көрсетеді. Алайда бұлар көркем шығармалар, яғни ойдан шығарылған дүниелер. Шын мәнінде, ғылым әлі күнге дейін су перілерінің бар екенін дәлелдеген жоқ. Мұхиттардың терең тұстарын толық зерттелмегенін ескерсек, кей адамдар бұл жаратылыстарды кездестіруге болады деген ой айтады. Бірақ бұл әлі де нақты дерек емес.

Су перілері туралы аңыздар көбіне халықтардың наным-сенімдерімен тығыз байланысты. Мысалы, славян мифологиясында «русалка» деп аталатын су рухы бар. Қазақ мифологиясында да су иелері туралы әңгімелер кездеседі, мысалы, су иесі немесе өзен перісі жайлы. Бұлар көбіне су көздерін құрметтеуге, табиғатты аялауға бағытталған тәрбиелік мәні бар ертегілер ретінде таралған.

Кейбір заманауи сенімдер мен куәліктерде су перісін көрдік деген адамдар бар. Бірақ бұл мәліметтердің ғылыми негізі жоқ, олар көбінесе елес көру немесе басқа да психологиялық жағдайлармен байланысты. Ғылым тек дәлелге сүйенеді. Су астында көптеген белгісіз тіршілік иелері болуы мүмкін, бірақ қазіргі таңдағы зерттеулерде су перілеріне ұқсайтын нақты тіршілік иесі тіркелмеген.

Су перілерінің бар екеніне сену — әр адамның жеке дүниетанымына байланысты. Бұл тақырып — шекарасы кең, қиял мен шындықтың арасындағы сырлы әлем. Біреулер сенсе, енді біреулер бұны жай миф дейді. Бірақ адам баласы белгісізге әрқашан қызығады. Ал су перілері — сол тылсым белгісіздің бір көрінісі ғана.

Дайындаған:Шарипханова Камила 

№51ЖОББМ Семей қаласы