kazakhsha russian

Жаным толы жақсылық

Сайыс тақырыбы: «Жаным толы жақсылық»
Мақсаты: Қатысушылардың рухани қасиеттерін анықтай отырып, сыйластыққа, бірін-бірі құрметтеуге, адамгершілікке,мейірімділікке, ізгілікке баулу; патриоттық сезімдерін оята отырып, туған жерін сүюге тәрбиелеу.
Сайыс барысы:
Кіріспе сөз:
-Құрметті оқушылар, ұстаздар, сайысымыздың қонақтары! Мектебімізде өтіп жатқан өзін-өзі тану пәні онкүндігінің аясында өткелі отырған «Жаным толы жақсылық» атты сайыс-сабағымызға қош келдіңіздер!Бүгінгі шарамыз –сайыс түрінде өтпек. 6 «а» сыныбының оқушыларының көмегімен таратылған қағаздар арқылы бүгінгі қатысушыларымыз анықталды. Барлығы 12 оқушы және 4 мұғалім.
Топқа бөлу.
Алдымен оқушылар берілген фигураларды, сосын мұғалімдер таңдап екі топқа бөлінеді.
Тапсырма.
Топ басшысын сайлап, топқа ат қою. (Топ басшысы шығып өзін-өзі таныстырады, топтың атын айтып, топ мүшелерімен таныстырып өтеді)
Сайысты бағалау: Адамның адамгершілік, рухани қасиеттерін ешқандай санмен бағалау мүмкін емес. Сондықтан бүгінгі сайысымызды көрермендер топтың ұйымшылдығын, тапқырлықтарын,бір-біріне деген қарым-қатынастарын дауыс беру арқылы бағалайды. Дауыс берген тобына жұлдызша жапсырады.
өзін-өзі тану пәнінен сайыс.
Сайыстың 1-ш кезеңі:
1-ші кезең – «Есімің кім?» деп аталады.Адам өмірге келгенде ең бірінші оған есім беріледі. Есім берілерде ешкім сенен сұрамайды. Сондықтан көпшілігіне өз есімдері ұнамай жататыны бар, сондай-ақ өз есімін жақсы көретіндері де бар. Енді соны анықтасақ.Бұл кезеңнің шарты: Көзімізді жұмып, өз есіміңіздің ұнайтын, ұнамайтындығын саусағыңызбен көрсету. (Тақтада үлгілері болады).
Бағалау түрі: Қай топта көп саусақ көрінді, сол топ дауысқа ие болады.

2-ші кезең:
2-ш кезең – «Лабиринт» деп аталады. Шарты: бір топ ортаға шығады. Қолдарына лабиринт сурет бар мата беріледі. Дөңгелекшені сол лабиринттен сөйлемей шығару керек. Ойын шарты бұзылған жағдайда 1 ғана мүмкіндік беріледі.
Бағалау түрі: Топтың ұйымшылдығы, бір-бірін сөзсіз ұғынулары, шартты бұзбауы.

3-ші кезең: — «Сурет салдым сүйсіне» деп аталады. Шарты: топтың алдында ақ қағаз және желім ғана жатады. Алдарына қосымша жыртылған түрлі-түсті қағаздар тастаймын. Сол жыртылған қағаздарды жапсыру арқылы белгілі бір тақырыпта сурет салу қажет. (5 мин)
Бағалау түрі: Белгілі бір тақырыптың шығуы, топтың ұйымшылдығы, суреттің толық аяқталуы, әдемілігі.
Көрермендермен ойын.Орындықтарының шетіне сан жапсыру. Санның номеріне байланысты сұрақ қою.
1. Қ әріпінен басталатын Қазақстанның 3 қаласын ата
2. Мектеп асханасында неше терезе бар?
3. Мектеп медбикесінің толық аты-жөнін ата
4. Мектеп ауласында неше орындық бар?
5. Биыл Күршім ауданына неше жыл?

4-ші кезең: — «Ән – көңілдің ажары» деп аталады. Шарты: топ басшысы алдымен тақырып таңдайды, топ болып әнге қосылып орындайды.
Бағалау түрі: Топтың түгел қосылып орындауы, орындау шеберліктері

5-ші кезең: — «Нысана» деп аталады. Шарты: Бір топтың қатысушылары ортаға шығып байланған жіпті екі қолдарымен ұстайды. Жіптің астына бос пластик бөтелке қойылады, ал жіптің үстіне қалам қойылады, сол қаламды бос бөтелкенің ішіне салу.
Бағалау түрі: Топтың ұйымшылдығы, шартты бұзбауы.

6-шы кезең: — «Театр» деп аталады. Шарты: Алдымен топ басшылары тақырып таңдайды, сосын бүкіл топтың мүшелері кейіпкерлерді таңдайды. Таңдап болған соң сол кейіпкерлерді сомдай отырып, тақырыпты ашу.
Бағалау түрі: Топтың ұйымшылдығы, тақырыпты ашуы, актерлік шеберліктері, уақытты тиімді пайдалануы.
Көрермендермен ойын.Орындықтарға әріптерді жапсыру.
1. А – әрпінен басталатын 4 мемлекетті ата
2. Е – әрпінен басталатын 3 мақал айт.
3. Г – әріпінен басталатын 4 мұғалімнің атын ата.
4. С – әрпінен басталатын 5 мұғалімнің тегін ата.
5. Т – әрпінен басталатын 3 жануарды ата.

Сайысты қорытындылау: Екі топтың алған дауыстарын санау, жеңімпаз топты анықтау. Мадақтау, мақтау, қолпаштау.

Коронавирус белгілері қандай болады >>> 

Пікірлер1
  1. Aknur

    сайыстың шарттарына ерекше. кезеңдері өте жақсы құрылған ерекше. міндетті түрде осындай жақсылық туралы сайыс өткізіп осы тексті аламын.

Добавить комментарий

ErKeTai.KZ