Әдебиеттік оқу (4 сынып)

Сабақтың тақырыбы: Диқан баба

Сабақтың мақсаты: Аңыздың шындықпен жанасуының,  адами қасиеттердің бірі – қанағат екенін ұғынуына мүмкіндік беру

Міндеттері:

-Жүйелі мазмұндай білу дағдыларын дамыта түсу

-Кейіпкерлердің ісіне талдау жасау арқылы сөйлеу тілін дамыту

-Еңбекті бағалауға, адам бойына қанағат қасиеттерін дарыта білуге үйрету

Сабақта қолданылатын технология: «Оқу мен жазу арқылы Сын Тұрғысынан Ойлауды Дамыту»

Сабақтың көрнекілігі: АКТ

Сабақ барысы: Ұйымдастыру кезеңі. Оқушыларды  әртүрлі фигуралар арқылы топқа бөлу. Топ басшысын сайлау.  Бағалау парағын таратып беру.

1.Қызығушылығын ояту.

«Диқан баба» дегенді қалай түсінесің? Бүгінгі тақырыбымыз «Диқан баба» атты аңыз әңгіме.

Осы аңыз әңгіме не? туралы немесе кім? туралы болуы мүмкін? (Оқушылар өз ойларын жеке жазады) Оқушылар өз ойларын оқиды.

2.Мағынаны тану.

Оқушылар мәтінді оқиды. Өздері жеке оқиды. Жұпта талдайды. Топта талдайды.

Сұрақ қойып талдау.

— Осы аңыз әңгімеде  адамдардың басты қателігі неде?

— Ең басты жетіспей тұрған  қандай адами қасиет?

Қанағат – байлық. Бойына қанағат мінезі біткен адамнан артық бай адам болмас. Мұндай жан барға қанағат етіп, жоқтың соңынан қумайды.

Диқанның іс-әрекетін талдау

1. Диқан адамдарға қандай жақсылық жасады?
2. Неге ренжіді?
3. Адамдарға неге кешірім берді?
4. Бұл шығарманың қай түріне жатады? (Аңыз)
5. Мәтіннің қай бөлімінен аңыз әңгіме екенін байқадыңдар?

 

1-топ.   Бидай  (бидай туралы мәлімет, диқанның еңбегі)

2- топ.  Аңыз. Сұрақ: Осының алдынды қандай аңыз оқыдық? (Аңыз арнасы) Шығарма кестесіне салып салыстыру.

3-топ Молшылық  пен Жоқшылық  ( Молшылық кезінде адамдар қандай болды?, Неліктен олар ойланбады?, Қалай ойлайсыңдар, ақыл кіру үшін адам аш болуы керке пе?

4-топ.  Қанағат. ( өз ойларыңды жазыңдар)

Әр топ берілген тапсырманы талдайды.

Қорытындылау:  «Бүгінгі күннің молшылығы деп білемін…….» Тақырыбында эссе жазыңдар.

Үйге тапсырмы беру. Бағалау.