Сөздермен дыбыстар

Сабақ түрі:Сауат ашу.
Сабақтың тақырыбы:«Сөздермен дыбыстар»
Сабақтың мақсаты:1. Сөз, дыбыс туралы ұғымдарды түсіндіру.

2. Сөздің дыбыстан құралатынын, дыбыстың дауысты,

дауыссыз болып бөлінетіні жөнінде түсінік беру.

3. Есту қабілетін жетілдіру.
Сабақтың көрнекілігі: Суреттер, кесте әріптер. 

Сабақ барысы:

Балалар назарын өзіме аударып, есік қағамын, олардан не естігендерін сұраймын.

—         Дұрыс балалар, сендер дыбыс естідіңдер.

—         Дыбыстар әр түрлі болады. Мысалы: А-А десек. Оны созып айтуға болады, дауысымыз еркін шығады. Ал енді бір дыбыстардың айтылуы қысқа . М; Д дыбысы. Қане, бәріміз осы екі дыбысты айтып көрейік.

—         Айырмашылығы қандай? Енді осы дыбыстардан сөз құрайық.Алдарыңда тұрған суреттерден көрген заттардың аттарын атаңдар.

—         Сөз бір нәрсе туралы ұғымды білдіреді. Қуыршақ бұл ойыншықты білдіреді. Осы сияқты басқа сөздерді де айтуға болады. Сөз дыбыстан құралады.

—         Енді балалар «Ана» сөзін талдайық. «Ана» деген сөзде  неше дыбыс бар?

—         Дұрыс айтасыңдар, ана сөзі үш дыбыстан құралған. Келесі сөзді өздерің ойлап, неше дыбыстан тұратынын айтыңдар.

Балалардың жауабы тыңдалады.

Алфавит сыры:

Алфавиттің А тұрады басында.

Әрқашанда Ә тұрады қасында,

Байқадың ба Б тұрады үшінші,

Ал, осының сыры неде? Түсінші.

А деген ол –

Аналар ғой ардақты.

Ә деген ол –

Әкелер ғой салмақты,

Б деген ол –

Балалар ғой әдемі,

Біздің елде

Үшеуіде кәделі….

Алшақ кетпей,

Сондықтан да, расында,

Тұрады олар

Алфавиттің басында!

—         Жақсы балалар , енді дыбыспен сөздің айырмашылығы неде? соны айтып беріңдерші.

—         Дыбыс қандай болады?

—         Жан – жануарлар қалай дыбыстайды?

Қорытынды:

Балалар бүгінгі тақырып бойынша мағлұмат алды. Ең көп сабаққа қатысып отырған бала мадақталды.