Мен және менің жасөспірім балам(дөңгелек үстел)

Мақсаты: Жасөспірімді үлкен өмірге әзірлеудегі ата- аналардың рөлі туралы мағлұматтар бере отырып,пікір алмасу, жасөспірім дүниетанымын, қабілетін,дарынын дамыта отырып, білімді, салауатты ұрпақ тәрбиелеуде мектеппен ата- аналар арасындағы ынтымақтастықты қалыптастыру.

Өткізу әдісі: Дөңгелек стол

Барысы: 1.Жиналысқа қатысып отырған ата- аналарды А, О, П белгілерін тарату арқылы 3 топқа бөлу. 2. Әр топқа тапсырма беру дайындалуға 5 минут уақыт беріледі

3. Топ бойынша ортада қорғау (5-10 минут)

4. Аудиториядағы ата- аналарға сұрақтар қою

5. Алдын – ала алынған сауалнама мониторингі

Психолог: Ата- аналармен жүргізілетін жиналыс «Мен және менің жасөспірім балам» тақырыбында өтпекші.Жиналыс басталар алдында таратылғанА,О,П белгілері бар ата- аналар таратылған белгі бойынша топтасуын сұраймын. А- тобына «Жасөспірім кім» деген сұрақ қойылады. О- тобына «Бала тәрбиесіне отбасының тигізер ықпалы» П- тобына «Жасөспірім және сыртқы орта»  дайындалуға 5 минут уақыт беріледі.

Психолог: Болашақтың иесі жас – ұрпақ. Жасөспірімдерді есті, саналы, сергек білімді етіп тәрбиелеу бала дүниеге келген күннен бастапотбасында, қоғамдық орындарда, балабақшада, мектептерде, тәлім- тәрбие беріледі.Жасөспірім тәрбиесі ортақ мәселе болғандықтан , құрметті ата- аналар сіздерге сұрақ қойғым келіп тұр.

1-сұрақ: Жасөспірім балаңыздың мінез- құлқынан қандай өзгерістерді байқадыңыз?

2- сұрақ: Сіздің жасөспірім балаңызбен қарым- қатынасыңыз қандай?

3- сұрақ: Мұғалімнің немесе мектептің ата- аналармен ынтымақтасуы дегенді қалай түсінесіз?

Ата- аналар өз ойларын ортаға салады.Бұдан кейін ата- аналар белгілері бойынша топқа бөлінген өздеріне берілген тапсырма бойынша ортаға шығып ойларын айтады.

Психолог: Құрметті ата- аналар! Өздеріңізге белгілі осы жиналыс болар алдында ата- аналардың жасөспірім тәрбиесіндегі ролін анықтау мақсатында бірнеше сұрақтардан тұратынсауалнама жүргізген болатынмын. Осы анкетаның ішіндегі ең нақты деп саналатын сұрақтардың көрсеткішімен сіздерді таныстырғым келіп отыр.

Сұрақ: Тәрбиенің қандай түрін тиімді деп санайсыз (заттай сыйлық, сөзбен мақтау,сөзбен сөгу, ұру, әңгімелесу)

Жиналысты қорытындылай келе біздің халқымыз үшін жасөспірім тәрбиесі бір ғагна отбасының немесе мектептің жеке ісі емес , ол бүкіл қауымның шұғылданатын кешеніне айналып отыр.Жасөспірімдерді саналы, тәрбиелі,әдепті, білімді,ойы жүйрік, логикасын терең етіп тәрбиелеу, алдын тәрбие ережелеріне сүйене отырып , ұлттық дәстүрді, әдет- ғұрыптарды , дінімізді балалардың санасына сіңіре білу ата- ананың, мұғалімнің басты міндеті. Ол үшін осы мақсатқа жету үшін жасөспірімдермен жүргізілген тәрбиенің бірден- бір тиімді жолы жасөспірімдерді психологиялық тәрбиелеуге баулу болмақ.