Ашық тәрбие сағаты «Құстар-біздің досымыз»

Ашық тәрбие сағаты

Тақырыбы: «Құстар-біздің досымыз»

Мақсаты:

1.Жабайы және үй құстары туралы білімдерін кеңейту. Олардың тіршілігін, ортақ қасиеттерін, айырмашылығын ажыратуға үйрету.

2. Балалардың ой-өрісін, сөздік қорларын дамыту. Сұраққа толық жауап беруге, 2-3 сөйлем құрастыруға қалыптастыру. 3. Балаларды дала, үй құстарына қамқор болуға баулу

Білім саласы: қатынас.

Бөлімі: қазақ тілі. Сабақтың әдісі: түсіндіру, сұрақ-жауап, ойын. Сабақтың көрнекілігі:суреттер, ойыншықтар, кластер, үнтаспа, карточкалар.

Сабақтың барысы: І.Ұйымдастыру кезеңі. * Балалар бүгінгі сабағымызға қонақтар келіп отыр. Ендеше, бүгінгі келген қонақтарымызбен амандасайық, өзіміздің білімдерімізді көрсетейік.

l. “Шаттық шеңбер”

Сылдыр-сылдыр шапалақ,

Міне, менің қолым.

Міне, менің жүрегім,

Сені жақсы көремін.

Негізгі кезеңі. 1. Кіріспе әңгіме: -Балалар бүгін аптаның қай күні? -Жылдың қай мезгілі? -Көктем мезгілінде қандай өзгерістер болады? -Ендеше, балалар осы өзгерістерді бақылау үшін “Орман патшалығына” саяхатқа барайық. Келе жатқан жолымыздың жан-жағы сары алтынға боялған, ауасы таза, күн ашық. Айнала сайраған құстардың дауысы естіледі.

Балалар қандай құстардың дауыстарын естіп тұрсыңдар?

(Құстардың дауыстарын тыңдату мелодия)

– Иә, бұл құстардың дауысы. Олай болса бүгінгі

тақырыбымыз құстарға арналады. Онда бүгін біз

сіздермен жұмбақтар, жаңа сөздер, қызықты ойындар

ойнап, суреттер бойынша әңгімелесеміз

-“Орман патшалығында” қандай құстарды танисыңдар? – Осының ішінде қандай құстар қыстап қалады? – Құстар ағаштарды неден қорғайды? – Балалар сендерге ормандағы саяхат ұнады ма? – Ал енді “Орман патшалығынан”” сыныпқа оралайық. 2. Ойын: ”Қандай құсты білеміз?” 3.Көрініс «Құстарды аялайық» 3. Жұмбақтарды шешу:

* Шықылықтап тұрмайды,

Құйрығы ұзын, өзі ала.

Бұл қандай құс? (Сауысқан)

* Таң азанмен оянды,

Елдің бәрін оятты. (Әтеш)

* Түрі көмірге ұқсайды,

Қарқылдап ұшады. (Қарға)

* Шарлап келіп даланы,

Үйіме, үйін салады. (Қарлығаш)

4. Сергіту сәті.

Кәне, қанат жазайық,

Қарлығаш боп ұшайық.

Ұшып-ұшып алайық,

Орнымызға қонайық.

5. Оқулықпен жұмыс.

Тапсырма. Суреттегі құстарды

көрсетіп, олардың қалай

дыбыстайтындығын айтқызу.

6. Сурет бойынша жұмыс.

-”Орман патшалығындағы” көрген құстарды есімізге түсіріп, атап шығайық.

– Олар қандай құстар?(жабайы құстар)

– Ал, мына берілген суретте тағыда қандай құстарды көріп тұрсыңдар?

– Осы құстарды басқаша қалай атауға болады? (үй құстары) 7.Қорытындылау Тиым сөздер.

1.Құстың ұясын бұзба,

Жұмыртқасын жарма.

2.Жұмыртқасы мен балапаны бар ұяны бұзба.

3.Аққуды атпа.

8.Мақал -мәтелдер.

Қаз келсе, жаз келер,

Қарға келсе, қатқақ келер.

Шағала келмей жаз болмас,

Шаңқан келмей, боз болмас.

Жапалақ мақтанса,

Жардан қоян алдым дер.

Жаман мақтанса,

Жақсының жағасынан алдым дер.