Сергіту жаттығулары


Erketai / Фев.23.2015. / 1 пікір

Балаларға арналған сергіту жаттығулары:
Сұр қоян.

Отыр екен бір қоян,
Ұзын құлақ сұр қоян.
Міне – міне.

Отырыстан тоңады,
Шапалақты ұрады.
Шақ – шақ, шақ – шақ.

Көп тұрмастан аяқты,
Топылдатар аяқты.
Топ – топ, топ – топ.

Қонжық.

Қорбаңдаған қонжық,
Орманда келеді.
Әнін айтып маймаңдап,
Бүршіктер тереді.
Саудыраған бүршіктер,
Маңдайға тиеді.
Ашуланған қонжық,
Жерді кеп тебеді.

sergitu-zhattigulari

Мүйізді ешкі.

Мүйізді ешкі келеді,
Топ – топ, топ – топ.
Сұсты көзбен қарайды,
Тақ – тақ, тақ – тақ.

Кімде — кім сүт ішпесе,
Тойып тамақ жемесе,
Мүйізді ешкі келеді,
Сол баланы сүзеді.

Қоңыздар.

Көк шалғында қоңыздар.
Би – билейді айнала.
Оң аяқпен топ – топ,
Сол аяқпен топ – топ.
Екі қолды жоғары, жоғары.
Көтереді жәй ғана.
Қане кімнің қолдары,
Көрінеді жоғары.

smile

Пікірлер 1 Пікір қосу

  • ӨТЕ ЖАҚСЫ САЙТ ЕКЕН

Пікір қалдыру

Тек мақалаға байланысты пікіріңізді жазыңыз сұрағыңыз болса мына сілтемені басыңыз!