Киініп,серуенге шығайық

Мақсаты:Балалардың табиғат аясына шығу барысындағы жүйелікті қалыптастыру, уақытты тиімді ұйымдастыруға үйрету. Киім бөлшегін, іс-әрекеті, түсті білдіретін сөздерді айтуға үйрету. Оң, солын ажырата білуге тәрбиелеу. Дыбыстарды дұрыс айтуын қадағалау.

Міндеті:Балалардың сөздік қорын молайту, өз бетінше өз-өзіне қызмететуге, жұмыс жүргізуге үйрету.Жапсыру, мүсіндеу,сурет салу барысында қиялын дамыту,өзі жасаған жұмысына сүйіспеншілігін ояту.

Көрнектілігі: Жасалған жұмысүлгілері,ноутбук, шырша,қысқы киімдер,ермексаз,тіс пастасы,парақ қағаз,түрлі-түсті қағаз (жасыл)
Барысы: Табиғаттың сұлулығын терезеден бақылап, тамашалау:

Шеңбер болып тұрайық,
Алақанды ашайық.
Күннің нұрын алайық,
Таза ауаны жұтайық.
Жүрекке жылу салайық,
Мейірімділік шоғын алайық.
Жиналған жылы шуақты,
Қонақтарға шашайық.
Сәлеметсіздерме, қонақтар!
Балалар қазір жылдың қай мезгілі?-Қыс
Қыстың ерекшелігін айтып беріңдерші? Балалар жауабы
Балалар кім қыс туралы тақпақ біледі?
Қандай суық қыс деген,
Қалтырайды құс деген.
Құлақшынды кимесең,
Құлағыңды тістеген.
Қандай қызық қыс деген,
Бәрін шебер істеген.
Бақша бауды, тауды да,
Бояған ақ түспенен.

балабақшадағ серуен жоспары

Тосын сәт: Киінген бала кіреді. Оның үстіндегі киімдер дұрыс киілмегені жайлы айту. Оған көмектесіп, өзімізде дұрыс киінуді үйренейік. Баланы шешіндіріп, балалардың қасына отырғызу.Ноутбуктан баланы киіндіріп көрсету. 2-3 баладан сұрау.Жәнібекпен бірге киініп алайық. Киінуді қимылмен көрсету
• Шалбар киеміз
• Етік киеміз
• Күртеше киеміз
• Бас киім киеміз
• Бөкебай тағамыз
• Қолғап киеміз
Серуенге шығару.
1. Сурет бойынша әңгіме.
2. Жұмбақ жасыру.
• Өзі сондай аппақ, жердің бәрін жаппақ. (қар)
• Тікен,тікен тік пісте,қысы, жазы бір түсте.(шырша)
Орталыққа келу.
Аққала мүсіндейді
Шырша жапсырады

Аққаланы тіс пастасымен бояп салады. Өзінің жұмысы бойынша әңгімелету.Сендер әдемі аққала,шырша жапсырыпсыңдар.
Серуенге аттану:
«Жылынайық» қимыл-қозғалыс ойынын ойнату.
Ойын шарты: Қолын, мұрнын,екі білегін, тізесін ысқылап, соңынан аяғын соғып секіру.
Сергіту сәті: «Қар лақтырыспақ»
Ән айту : Аязды келіп қыс,
Алғашқы қар ұшты.
Аппақ боп үстіміз,
Ақ қырау жабысты.
Серуеннен оралу.

Ретімен қимылмен шешіну. Жәнібек киініп үйрендің бе?-деп сұрау. Алған әсерлері туралы балалардан сұрау.
Балалар сендерге бүгінгі күн, бүгінгі оқу әрекеті ұнады ма?
Неліктен ұнады?-Балалар жауабы.
Балаларды мадақтап, ҰОІӘ-н аяқтау.
Біледі: Сурет бойынша әңгіме құрап айтуды, қыс мезгілінің ерекшеліктерін.
Меңгереді:Киімді дұрыс оң, терісін айрып, ретімен киінуді.
Игереді:Сурет салуды, мүсіндеуді,жапсыруды.

Добавить комментарий


ErKeTai.KZ