«Қызғалдақ» ағылшын ертегісі

Ерте, ерте, ертеде бір кішкентай қаланың шетінде Мэри атты қарапайым әйел өмір сүріпті. Шағын қалада Мэриді бәрі біледі екен. Мэридің неше түрлі гүлдер өскен ғажайып бағы болыпты.

Жүрегі таза, мейірімді Мэри гүлдеріне үлкен сүйіспеншілікпен күні-түні қарап, әлпештеп күтіп-баптайды екен.
Оның ақ, қызыл, сары, көк түсті гүлдері көктемнен бастап, күзге дейін алма-кезек гүлдеп, баққа кірген адамның көзін қуантыпты.
Көктемде Мэри нәзік әрі таңғажайып «қызғалдақ» деген жаңа гүлдерді отырғызады. Бірде сол сүйікті гүлдерін көрейін деп, ол түнде қолына шам алып, баққа барады.
О, ғажап! Қызғалдақтарға жақындап қараса, олардың ішінде сүйкімді нәрестелер тәтті ұйқыда жатыр! Бұл гүл періштелерінің балалары еді. Мэри оларға мейірлене қарап қайырлы түн тіледі.
Ертеңіне бақтың иесі ерте тұрып, терезені ашады. Үйдің ішін лезде аңқыған жұпар иіс алып кетеді. Мэри баққа жүгіріп шығады. Бүгін қызғалдақтардан бұрын-соңды болмаған хош иіс аңқып тұр екен.
«Қызғалдақ» ағылшын ертегісі

Бұл ғажап иісті Мэридің қайырымдылығы үшін гүл періштелері қызғалдақтарға сыйлаған еді.
Күндер, айлар, жылдар зырлап өтіп жатты. Мэри қартайып, гүлдеріне қарай алмайтын болғандықтан басқа қалада тұратын баласының қолына көшеді.
Үйді сатып алған жаңа адамдар бақтың орнына бақша егіп, көкөніс сатпақшы болыпты. Бір көктемнің ішінде Мэридің тамаша гүлзарын құртып жіберіпті.
Гүл періштелерінің жағдайлары кетіп, олар көрші бақтарды паналауға мәжбүр болыпты. Сүйікті Мэриді сағынып, қызғалдақтар ауырып қалады.
Күтімсіз қалған гүлдерді көршілер үйлеріне алып кетіп, өздерінің бақтарына отырғызып, аялайды.
Келесі көктемде қызғалдақтар дертінен жазылып, жаңа орындарында құлпырып өсіп шыға келеді. Бірақ, олардың ғажайып хош иісі жоғалып кетіпті.
Содан бері, гүл өсірушілер бүгінгі күнге дейін қанша ізденіс жасаса да, қызғалдақтардың бұрынғы иісін қайтара алмапты.

Пікірлер14
  1. Айгерім

    Осы ертегінің авторы кім жазған адамның және қай жылы шықты

  2. гакку

    ертегі жақсы екен аудармасы жоқ па ағылшынша

    1. Erketai (автор)

      Қазақ тілді сайт болған соң тек қазақша нұсқасын жарияладық.

  3. Шарипа

    Ағылшынша деген едіңдер ғой неге қазақша

    1. Erketai (автор)

      Ағылшын ертегісі деп қазақша жазылып тұр ғой.

  4. Аяулым

    Агылшыншасы жокпа

  5. Əлия Құлжанова

    Əдемі ертегі екен.

  6. Керемет

  7. айгерим

    жаксы

  8. Гульден

    сАЙТ КЕРЕМЕТ БІРАҚ ТІРКЕЛЕ АЛМАДЫМ

    1. Erketai (автор)

      Неге сайтқа тіркелу формасы сайттың оң жақ бөлігінде орналасқан. Тіркеліңіз өкінбейсіз.

  9. инкар

    рахмет өте тамаша ертегі

  10. ақмарал

    керемет

  11. Акнур

    рахмет сиздерге!

Добавить комментарий


ErKeTai.KZ