Тақпақтар


Балаларға арналған тақпақтар, өлеңдер жинағы

Жақсы адам боп шығамыз

Бізге тәртіп үйреткен,
Ән салдырып, билеткен,
Таныстырған ең алғаш
Әріптермен, суретпен, —
Тәрбиеші тәтеміз.
Доспен тату ойнауды,
Мерекені тойлауды,
Бойымызға сіңірген
Көптің қамын ойлауды

Тәрбиеші тәтеміз.
Жақсылыққа құмармыз,
Жақсы адам боп шығамыз,
Таза сәби жүректен,
Қабылдаңыз мың алғыс,
Тәрбиеші тәтеміз.

О.Асқар

Тәй-тәй қуыршақ

Жуынбайды жуынсақ,
Бұл не деген қуыршақ?
Тығылмайды тығылсақ,
Бұл не деген қуыршақ?
Бір, екі, үш, төрт, бес,
Қуыршақтың тұсауын кес,
Қуыршағым қаз-қаз,
Қыдырайық аз-маз.

Ү.Есдәулет

1 сыныпқа тақпақтар, өлеңдер тақпақтар, тақпақтар балабақшаға

Бағдаршам

Ашса кезек үш көзін,
Айтты деп ұқ сөзін:
«Тоқта!
Сақтан!
Жол ашық!
Жүрме жолға таласып»,
Қызыл көзін ашқанда,
Сынық сүйем баспа алға.
Сары көзін ашқанда,
Қарап қалма аспанға.
Жасыл көзін ашқанда,
Өте бергін, жасқанба!
Көзін ашып-жұмады,
Бағыт сілтеп тұрады.

Ә.Табылдиев

[Social Locker] Локер [id=9577] не существует или локер по умолчанию был удален.

Erketai / Окт.3.2013. / комментариев 5

  • ұлпан

    Cәлеметсіздер ме? мен өз алғысымды жеткізсем деп едім.Өте пайдалы әрі қажетті сайт.Рахмет!сіздерге…

  • erjanbei

    Оқасы жоқ. Сізгеде еркетайға осындай жоғары баға бергеніңіз үшін көп рахмет!!!

  • Съезхан

    Сәлеметсіздер ме!!!
    Менің балама балабақшада саңырауқұлақ туралы өлең жаттап кел депті. Қайдан алуға болады? Айтып жіберсеңіздер

  • erjanbei

    Салем! Ол жағын білмедім

  • Самал

    ЕРКЕТАЙға үлкен алғыс!!!