Балалар шығармалары
Байлығым менің
Ұқсамайтын басқаға,
Өзі сондай жас қала.
Жас болса да көрікті,
Сұлу шаһар – Астана!
Бәйтерегім мәуелі,
Алтын күнім сәулелі.
Әнұраным — айбарым
Жүрегімде әуені!
Ана тілім бақытым,
Сырлы,тұнық жақұтым.
Туған елім тірегім,
Көңілімде жатық үн!
Барлық адам досымдай,
Айта аламын тосылмай:
Бақытты мен бөбекпін,
Байлығым бар осындай!
***
Ізетті қыз
Таңертең ерте тұрамын,
Ұқыпты болу – ұраным.
Үйді де жинап тап-таза,
Кірімді өзім жуамын!
Жүрсе анам тамақ пісіріп,
Көмекке келем түсініп.
Үлкенді сыйлау қашанда,
Кішілік емес – кісілік!
Әжеме оқып газетті,
Бөпемді бағып жаз өтті.
Мақтайды мені әкешім:
Қызым деп менің ізетті!
***
Балабақша гимні
1.Бастаушысы ісімнің,
Балабақша – мекенім.
Сенде жүріп түсіндім,
Балалықтың не екенін.
Қайырмасы:
Шуақ шашқан арайлап,
Жұлдыздайын жанамыз.
Нұрын төккен маңайға,
Күн дидарлы баламыз!
2.Жүректе әркез сенім мың,
Елім деп тұрар асқақ ат.
Ертеңі қазақ елімнің,
Болашақ бізден басталад!
Қайырмасы:
3.Денсаулықты қорғайтын,
Жаман жолға бармайтын.
Біз – бақытты бүлдіршін,
Биіктерге самғайтын!
Қайырмасы:
Өнерлі өрендер №9 (балалар шығармашылығынан)
Балабақшаның аттестациядан өткен құжаттары бар:
3 жылдық Әдіскер құжаттары
3 жылдық Меңгеруші құжаттары
3жылдық Тәрбиеші(барлық топтар)құжаттары
3 жылдық Психолог құжаттары
